అంగన్‌వాడీ కేంద్రాలపై కలెక్టర్ ఆకస్మిక తనిఖీ!

ధర్మవరం సీడీపీఓ కార్యాలయంలో రికార్డులు, సిబ్బంది హాజరు పరిశీలన

  • గర్భిణులు, బాలింతలు, చిన్నారులకు నాణ్యమైన సేవలు అందించాలి
  • పోషకాహార పంపిణీలో నాణ్యత, పరిమాణం తప్పనిసరి
  • విధుల్లో నిర్లక్ష్యం వహిస్తే చర్యలు తప్పవని కలెక్టర్ హెచ్చరిక

శ్రీ సత్యసాయి జిల్లా , ధర్మవరం, అక్టోబర్ 31:

శ్రీ సత్యసాయి జిల్లా ధర్మవరం పట్టణంలోని శిశు అభివృద్ధి ప్రాజెక్టు అధికారి (సీడీపీఓ) కార్యాలయాన్ని జిల్లా కలెక్టర్ ఎ. శ్యామ్ ప్రసాద్ శనివారం ఆకస్మికంగా తనిఖీ చేశారు. ఈ సందర్భంగా కార్యాలయంలోని వివిధ రికార్డులు, ఉద్యోగుల హాజరు రిజిస్టర్లు, బయోమెట్రిక్ హాజరు వివరాలను క్షుణ్ణంగా పరిశీలించారు. సిబ్బంది విధుల నిర్వహణ, కార్యాలయ కార్యకలాపాలపై అధికారులను వివరాలు అడిగి తెలుసుకున్నారు.ఈ సందర్భంగా కలెక్టర్ మాట్లాడుతూ మహిళా, శిశు సంక్షేమ శాఖ ద్వారా ప్రభుత్వం అమలు చేస్తున్న సంక్షేమ పథకాలు, పోషకాహార కార్యక్రమాలు అర్హులైన ప్రతి ఒక్కరికీ సకాలంలో అందేలా చర్యలు తీసుకోవాలని అధికారులను ఆదేశించారు. అంగన్‌వాడీ కేంద్రాల ద్వారా గర్భిణులు, బాలింతలు, చిన్నారులకు అందించే పోషకాహార సరుకులు నాణ్యతతో పాటు నిర్దేశిత పరిమాణంలో క్రమం తప్పకుండా పంపిణీ చేయాలని స్పష్టం చేశారు.అంగన్‌వాడీ కేంద్రాల్లోని చిన్నారులకు ఎప్పటికప్పుడు బరువు, ఎత్తు కొలతలు తీసి వారి ఆరోగ్య పరిస్థితిని పర్యవేక్షించాలని సూచించారు. తీవ్ర లోపపోషణతో బాధపడుతున్న పిల్లలను గుర్తించి ప్రత్యేక శ్రద్ధ తీసుకోవాలని ఆదేశించారు. అలాగే అంగన్‌వాడీ కేంద్రాల్లో తాగునీరు, విద్యుత్, మరుగుదొడ్ల సౌకర్యాలు సక్రమంగా ఉండేలా చూడాలని, పరిసరాల పరిశుభ్రతకు అత్యంత ప్రాధాన్యత ఇవ్వాలని తెలిపారు. సీడీపీఓలు, ఐసీడీఎస్ సూపర్‌వైజర్లు తరచూ క్షేత్రస్థాయిలో పర్యటిస్తూ అంగన్‌వాడీ కేంద్రాల పనితీరును పరిశీలించాలని కలెక్టర్ సూచించారు. తనిఖీల్లో గుర్తించిన లోపాలను వెంటనే సరిదిద్దాలని, ప్రభుత్వ సంక్షేమ పథకాల అమలులో ఎలాంటి నిర్లక్ష్యం వహించకూడదని స్పష్టం చేశారు. విధుల పట్ల నిర్లక్ష్యం ప్రదర్శించే వారిపై చర్యలు తప్పవని హెచ్చరించారు.ఈ తనిఖీ కార్యక్రమంలో ధర్మవరం సీడీపీఓ, ఐసీడీఎస్ సూపర్‌వైజర్లు, కార్యాలయ సిబ్బంది తదితరులు పాల్గొన్నారు.

Related News

LEAVE A REPLY

Please enter your comment!
Please enter your name here

- Advertisement -spot_img

Latest News